Kryebashkiaku i Nishit, Zoran Perishiq ka thënë sot se ekziston se ka një interesim shumë të madh për leazimin e fluturimeve Nish-Stamboll, por se një gjë e tillë sigurisht do të ndodhë në sezonin e ardhshëm dimëror të fluturimeve, përkatësisht në tetor. “Sipas njoftimeve dhe hulumtimeve të mija, imteresimi për fluturimet Nish – Stamboll është aq i madh, saqë me siguri do të kishte deri në dy fluturime në javë në këtë destinacion”, ka thënë Perishiq në aeroportin “Car Konstantin” të Nishit. Ai ka shtuar se do të mund të fillonte edhe bashkëpunimi me ndonjë kompani turke në mes të sezonit dhe se për këtë temë tashmë ka biseduar me ambasadorin turk, Mehmet Kemajl Bozaj. “Në forumin biznesor serbo-turk, të mbajtur para pak kohësh, pata rastin të bisedoj me ambasadorin turk dhe ka interesim të madh për këtë fluturim nga te dyja palët”, ka thënë Perishiq. Perishiq ka thënë se kompnia se konpania e fluturimeve duhet të jetë nga Turqia, ngase kompanitë serbe nuk kanë interesim të mjaftueshëm për një relacion të tillë. “Do të duhej të gjenim një avio-operator nga Turqia, dhe këtë kemi provuar dhe po provojmë ta bëjmë. Pas qëndrimit shtatëditësh në Serbi, rusët u kthyen në Kaluga.

Kryebashkiaku i Nishit ishte i pranishëm në takimin me zyrtarët rusë të zonës së Kalugës, me rastin e realizimit të charter- it nga Kaluga dhe planeve të ardhëshme të bashkëpunimit. Guvernatori i zonës së Kalugas, Artamanov Anatolij Dimitrijeviq, në konferencën për media, të mbajtur pas takimit ka thënë se është i kënaqur me bashkëpunimin e realizuar ndërmjet Nishit dhe zonës kalugiane dhe se ky bashkëpunim do të zgjerohet në bashkëpunim në fushën e sportit , mjekësisë dhe turizmit historik, si dhe në bashkëpunim ekonomik. “Kjo është një pjesë e asaj me çfarë do të fillojmë, e kjo për çdo rast do t’i kontribuojë asaj më të rëndësishmes, që është bashkëpunimi ekonomik”, ka thënë Dimitrijeviq. Ai ka shtuar se aeroporti i Nishit dhe ai i Kalugas japin ofrojnë kushte të mira për të gjitha kompanitë ajrore dhe konsideron se një numër i madh i njerëzve do të përdorë shërbimet e këtyre dy aeroporteve. “Këto fluturime do të marrin karakter të rregullt, prandaj presim që agjensionet turistike ta bëjnë pjesën e tyre të punës”, ka thënë Dimitrijeviq. Zyrtarët rusë, si dhe turistët, fluturuan sot pasdite nga aeroporti i Nishit në drejtim të Kalugas. Avioni i parë në charter fluturimin e konpanisë ruse “Red Wings” ka ateruar një javë më parë në aeroportin e Nishit. Rreth tridhjetë turistë rusë, aq sa ateruan në Nish, u dërguan pas kësaj në Kopaonik, ku qëndruan për shtatë ditë, mirëpo ata shfrytëzuan rastin të vizitojnë edhe banjat serbe. Ata vizituan Serbinë për herë të parë dhe përshtypjet e tyre ishin shumë pozitive, kështuqë, shumë prej tyre planifikojnë të vijnë përsëri. Jelena Qosin